Banka Qendrore e Australisë ka njoftuar se mbreti Charles III nuk do të shfaqet në kartëmonedhën e re 5 dollarëshe të Australisë.
Sipas Bankës së Rezervës së Australisë (RBA), dizajni i ri do ti kushtohet kryesisht “kulturës dhe historisë” së australianëve indigjenë.
Dizajni i saj aktual i kartëmonedhës prej pesë dollarësh përmban një portret të mbretëreshës së ndjerë Elizabeth II.
Vdekja e Mbretëreshës vitin e kaluar ringjalli debatin për të ardhmen e Australisë si një monarki kushtetuese.
“Ky vendim i Bordit të Guvernatorëve të Bankës së Rezervës bazohet në konsultimin me Qeverinë Australiane, e cila e mbështet këtë ndryshim”, tha banka në një deklaratë.
“Banka do të konsultohet me ‘First Australian’ për hartimin e kartëmonedhës së re 5 dollarë. Do të duhen disa vite për të hartuar dhe printuar kartëmonedhën e re, ndërsa kartëmonedha aktuale 5 dollarë do të vazhdojë të jetë në qarkullim.”, shtoi ajo.
Një zëdhënës i BBC tha se RBA aktualisht nuk ka plane të ndryshojë modelin e kartëmonedhave të tjera australiane. Asnjë datë nuk është caktuar ende se kur do të zbulohet modeli i ri i kartëmonedhave prej pesë dollarësh, shtuan ata.
“Kjo është një fitore e jashtëzakonshme për popujt indigjenë bazë që kanë luftuar për dekolonizimin e këtij vendi,” tha Lidia Thorpe, një senatore e Partisë së Gjelbër.
Vlerësimet e fundit sugjerojnë se popujt indigjenë kanë jetuar në Australi për të paktën 65,000 vjet përpara kolonizimit britanik.
Kartëmonedha 5$ është e vetmja kartëmonedhë australiane që mban imazhin e një monarku britanik. Mbretëresha e ndjerë shfaqet edhe në monedhat e vendit.
