Çfarë bëni kur nuk keni para për një biletë avioni për fëmijën tuaj? Me siguri nuk e lini në aeroport, pasi merrni masat financiare para se të niseni.
Në videon e publikuar nga Daily Mail, shihet se një çift bën pikërisht këtë veprim. Ai e braktisi fëmijën e tij në sportelin e kontrollit në aeroportin Ben Gurion të Izraelit në përpjekje që të kap fluturimin për në Bruksel.
Çifti mbërriti në aeroportin e Tel Aviv të martën me pasaportat e tyre belge dhe biletat për fluturimin e Ryanair në kryeqytetin belg, por pa biletë për fëmijën e tyre.
Kur stafi i aeroportit raprotohet se nuk mund të hipnin pa blerë një biletë për foshnjën, ata thjesht e lanë atë në sportelin e kontrollit dhe vrapuan drejt kontrollit të pasaportave.
Videoja shokuese po qarkullon bujshëm në internet ku shihet momenti kur stafi i aeroportit tmerrohet teksa sheh karrocën me fëmijën e braktisur.
Mediat vendase pohojnë se çifti tashmë është arrestuar nga efektivët e policisë.
