OnePlus zgjeron linjën e tij me tableta të rinj që pritet të zbulohen gjatë eventit të 7 shkurtit, së bashku me OnePlus 11 5G dhe Buds Pro 2. Kamera është e përqendruar në pjesën e pasme të pajisjes, diçka që i çliron përdoruesit nga çdo shqetësim kur e mbajnë tabletin horizontalisht.
Në një informacion të zbuluar më parë tregoi gjithashtu kamerën selfie të tabletit që qëndronte në majë të pajisjes në modalitetin peizazh.
“Një veçori e jashtëzakonshme e OnePlus Pad është korniza e kamerës. Harku është projektuar në përputhje me ergonominë, diçka që i lejon përdoruesit ta mbajnë tabletin të qetë për një periudhë të gjatë kohore pa lodhje, ” shprehet kompania OnePlus.
Tableti do të jetë i disponueshëm në një ngjyrë të re Halo Green. Ama nuk jemi të sigurt nëse OnePlus do të ketë më shumë opsione ngjyrash si fillim.
Ky vit mund të jetë një rilindje për tabletët Android. Përveç planit të ardhshëm të OnePlus, Google prezantoi tabletin e tij Pixel në vitin 2022.
Tregu i tabletave të konsumit dominohet nga iPad i Apple , me Samsung dhe Amazon që ofrojnë alternativat më të njohura me Android.
