Tre fëmijët dhe gruaja e Pëllumb Metës janë dërguar në një poligon qitjeje në vazhdë të hetimeve që po kthyen për të zbuluar se kush e vrau 49-vjeçarin. Burime p bëjnë me dije se nga eksperimenti hetimor ka rezultuar se vajza, Hygerta Meta është e aftë që të qëllojë me armë zjarri. Testimi është kryer me një pistoletë tip TT, si ajo me të cilën dyshohet se është vrarë edhe Pëllumb Meta.
Të njëjtat burime bëjnë me dije e Hygerta Meta gjatë qitjes në poligon u ka treguar ekspertëve konkretisht si e mori armën, si e mbushi dhe si realizoi qitjen. Vajza është ajo që ka marrë përsipër edhe vrasjen e të atit.
Nga ana tjetër, nëna dhe dy djemtë kanë refuzuar që të bëjë qitje, në testin e zhvilluar javën që lamë pas, duke thënë se nuk di që të përdorë armën.
Ndërkohë, një tjetër zhvillim i ri nga hetimet pritet të rëndojë akuzën e djalit të vogël Amarlidos. Burime bëjnë me dije se në armën e krimit janë zbuluar shenjat e gishtërinjve të djalit të vogël. Pritet që Prokuroria të ngrëjë akuzë të re ndaj djalit Amarildos edhe për vrasje. Djali i vogël mbi këtë fakt të ri ka thënë se nuk ka lidhje me vrasjen, por e ka prekur armën më vonë.
Pëllumb Meta u denoncua si i zhdukur nga djali Hyseni, tri ditë pasi e kishin vrarë brenda në shtëpi dhe groposur trupin pranë kasolles. Pas zbulimit të trupit, Hygerta pranoi krimin dhe tha se babai kishte vendosur ta fejonte me një emigrant pa dëshirë. Ndërsa pretendonte se babai i kishte dhunuar në mënyrë sistematike.
Për vrasjen e Pëllumb Metës janë arrestuar 3 fëmijët, dy prej të cilëve kanë ndryshuar disa herë dëshmitë për autorësinë. Sipas policisë djali i madh, Hysen Meta dyshohet se ka qëlluar, edhe pse Hygerta këmbëngul për të kundërtën. Ndërkohë nëna, Blerina Meta, po momentin po hetohet në gjendje të lirë.
