Ndonëse ndodhet në paraburgim pasi akuzohet për shti-blerje të votave pak ditë para zgjedhjeve, kryetari i bashkisë së Himarës Fredi Beleri është vizituar nga Theoharis Lalakos, Sekretari i Përgjithshëm i ministrisë së Jashtme të Greqisë.
Lalakos e ka quajtur të papranueshëm arrestimin e Belerit, nën akuzën për blerje votash.
Në një qark kohor të shkurtër kjo është vizita e dytë në qeli për Fredi Belerin. Kujtojmë se më herët ka qenë ambasadorja greke në Tiranë, Konstantina Kamitsi dhe Sekretari i Përgjithshëm i Ministrisë së Jashtme, Theocharis Lalakos.
Fredi Beleri kryetari i bashkisë i cili asokohe premtoi si kandidat se do të helenizonte Himarën, qëndron prej 6 ditësh në burg ku akuzohet për blerje votash. Ai fitoi bashkinë e Himarës me diferencë të ngushte votash.
Ndërkohë, të enjten ministri i Jashtëm grek, Nikos Dendias, u bëri thirrje autoriteteve shqiptare që të lënë të lirë kandidatin fitues të zgjedhjeve në Bashkinë e Himarës, Fredi Beleri, me argumentin se nuk e kupton se përse Beleri ndodhet ende në paraburgim.
