Vetëm katër ditë na ndajnë nga netët live të kompeticionit më të madh muzikor Eurovision i cili këtë vit do të mbahet në qytetin e Liverpool në Mbretërinë e Bashkuar.
Këtë vit vendi ynë do të përfaqësohet nga këngëtarja Albina Kelmendi dhe familja Kelmendi.
Një këngë në stilin baladë që trajton një plagë të shoqërisë kudo në botë siç është divorci.
Pas mbërritjes në Mbretërinë e Bashkuar, Kelmendi ka ndarë me ndjekësit e saj një video në Facebook, ku tregon prapaskenat e përgatitjes për netët live ku ajo do të përfaqësojë ngjyrat kuqezi.
Eventi do të mbahet në datat 9, 11 dhe 13 maj në qytetin e Liverpool.
