Shefi i Wagner Yevgeny Prigozhin njoftoi të premten se kompania e tij private ushtarake do të largohej nga qyteti ukrainas i Bakhmut më 10 maj, sepse luftëtarëve të tij u mungon municioni.
Përmes një video në rrjetet sociale, Prigozhin shprehet:
“Po i drejtohem zyrtarisht Shefit të Shtabit të Përgjithshëm, Ministrit të Mbrojtjes, Komandantit Suprem të Përgjithshëm dhe popullit të Rusisë”.
“Unë deklaroj në emër të luftëtarëve Wagner, në emër të komandës Wagner, se më 10 maj 2023, ne jemi të detyruar të tërhiqemi nga lufta, tha Prigozhin.
“Unë po tërheq njësitë e Wagner PMC sepse pa municion, ato janë të dënuara me një vdekje të pakuptimtë,” vazhdoi ai, duke pretenduar se Wagner kishte rënë “në favor të burokratëve ziliqarë gati-ushtarakë”.
Forcat e Prigozhin kanë luajtur një rol kyç në sulmet ruse në territorin ukrainas, duke përfshirë Bakhmutin.
Ai është shprehur më parë se ka marrë mbështetje të pamjaftueshme nga Kremlini dhe në një intervistë të dhënë fundjavën e kaluar, kërcënoi se do të tërheqë mercenarët e tij nga qyteti i sulmuar lindor.
Zëdhënësi i Kremlinit Dmitry Peskov nuk pranoi të komentojë njoftimin e së premtes, duke thënë në një konferencë me gazetarët: “Sigurisht, e pashë atë në media, por nuk mund të komentoj pasi ka të bëjë me operacionin special ushtarak”.
Prigozhin showed fresh losses of Wagner PMC and blamed Shoigu and Gerasimov for them.
— Anton Gerashchenko (@Gerashchenko_en) May 5, 2023
He says the ammunition shortage has reached 70% and seems to be on the verge himself. pic.twitter.com/lRiGjApC5n
