Tesla ka rritur çmimet në tregjet e saj më të rëndësishme të automjeteve elektrike, duke përfshirë Kinën dhe Shtetet e Bashkuara të Amerikës.
Muajin e kaluar, CEO i Tesla, Elon Musk konfirmoi strategjinë e çmimeve të kompanisë, duke lënë të kuptohet se do të kishte më shumë ulje çmimesh për të shtuar shitjet.
Por sipas analistëve rritjet e fundit të çmimeve kishin të njëjtin qëllim për të nxitur kërkesën e konsumatorëve.
Tesla mund të dëshirojë “të testojë elasticitetin e kërkesës duke pasur parasysh se uljet e përsëritura të çmimeve mund të çojnë në dobësim të efektivitetit në rritjen e vëllimit të shitjeve”.
Kohët e fundit, Tesla kishte ulur çmimet në mënyrë agresive për të rritur kërkesën mes konkurrencës në rritje nga prodhuesit e tjerë të EV.
Automjetet elektrike (EV) rreshtohen jashtë një përfaqësie të Tesla në Melburn më 19 prill 2023.
Në Kinë, tregu më i madh në botë i automjeteve elektrike, Tesla kreu disa raunde reduktimesh midis tetorit dhe janarit pasi humbi pjesën e tregut ndaj konkurrentëve të saj, si BYD (BYDDF ) i mbështetur nga Warren Buffett . Shkurtimet kanë ndezur një luftë çmimesh në vend. Dhjetëra prodhues makinash kanë ofruar ulje të mëdha çmimesh.
Sipas statistikave më të fundit nga Shoqata Kineze e Makinave të Pasagjerëve, shitjet automjeteve të Tesla-s të prodhuara në Kinë u rritën me 35% në mars në më shumë se 88,000 njësi. Por ajo ende mbeti pas BYD, e cila shiti më shumë se 100,000 EV me bateri të pastra.
Uljet e çmimeve në mbarë botën kanë rritur shitjet e Tesla-s, por gjithashtu kanë ulur të ardhurat e saj neto dhe marzhet e fitimit.
Në tremujorin e parë, të ardhurat e kompanisë u rritën me 24%, por marzhi i fitimit bruto ra në 19.3%, më i ulëti që nga fundi i 2020. Të ardhurat e saj neto gjithashtu ranë 24% nga një vit më parë.
