Emigracioni shqiptar pas dyndjeve të shumta për 3 vitet e fundit po merr një kthesë për të hyrë në një kapitull tjetër.
Sipas raportimeve të bëra kërkesat për azilant në BE patën një rënie me 14% këtë vit. Gjithashtu statistikat për Mbretërinë e Bashkuar nga 12 mijë e 300 shqiptarë vitin e kaluar, në 29 shqiptarë për këtë vit.
Po e njëjta gjë vihet re edhe në Greqi ku afërsisht gjysma e lejeve të qëndrimit u përgjysmua nga 422 mijë në 2021-in në 291 mijë në 2022-in. Ndërkohë qeveria raportoi se ka bërë gati një plan për të rikthyerit për integrimin në vendin shqiptar.
U raportua nga Zv.ministrja e Financave, Olta Manjani se rezulton mesatarisht 1-4 shqiptarë që kthehen në tre katër vitet e fundit. Gjithashtu shtoi se ditën e enjte janë kthyer nga Britania e madhe 40 emigrantë ku janë pritur nga punonjës të zyrave të punës.
Ndër të tjera Olta Manjani tha se po punohet me ekspertizën e bankës botërore për të identifikuar të gjithë ata shqiptarë që duan të rikthehen dhe ti vëmë në dispozicion informacionin e duhur.
Nga ana tjetër do të nënshkruajmë programe të rikthimit vullnetar nëse do ketë dhe për këtë janë vënë në dispozicion zyrat e punës të vendeve përkatëse në bashkëpunim me zyrat tona.
Sipas raportimit kanë marrë masa për krijimin e një uebsajti për të gjithë të rikthyerit për marrjen e një informacioni më të shpejtë dhe të lehtë për ta kuptuar i specifikuar nga agjencia kombëtare për punësim.
Theksojmë se nga raportimi i bërë qeveria ka propozuar 6 programe për nxitjen e punësimit sidomos te të rinjtë si programi i kodimit që subvencionon deri në 100% të vlerës, pa harruar edhe programin e vetëpunësimit, ku çdo individ i lind e drejta për të financuar me 500 mijë lekë idenë e tij e në këtë mënyrë të vazhdoj më tej zhvillimi i biznesit.
