Pritej rënia e inflacionit, në krahasim me muajin mars të vitit të kaluar. Theksojmë : ”sulmin e Rusisë ndaj Ukrainës ” , që furnizonte shumicën e shteteve dhe që kovidi akoma nuk kishte mbaruar.
Sot shikojmë, që nafta është 190 lekë për litër, ndërsa para një viti ishte 260 lekë duke pasur luhatje. Gjithashtu kishte shtrëngim të bulmetrave në mars të vitit 2022.
Në muajin mars të këtij viti, ushqimet arrijnë dyfishin e rritjes. INSTAT tregojnë një rritje me + 3,94 pikë përqindje plus “Qira, ujë, lëndë djegëse dhe energji” + 0,48 pikë përqindje. Mirëmbajtje e shtëpisë, mobilje 0,47
Ndonëse çmimet e karburanteve janë ulur, ushqimet vijojnë shtrenjtimin me ritme dy shifrore. Sipas INSTAT, Rritja vjetore e çmimeve në muajin Mars është ndikuar kryesisht nga grupi “Ushqime dhe pije joalkoolike” me +3,94 pikë përqindje, pasuar nga grupi “Qira, ujë, lëndë djegëse dhe energji” me +0,48 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” me +0,47 pikë përqindje. Çmimet e grupit “Hotele, kafene dhe restorante” kanë kontribuar me +0,21 pikë përqindje.
Krahasuar me muajin Mars 2022, rritja më e madhe e çmimeve vërehet në grupin “Ushqime dhe pije joalkoolike” me 11,0%, pasuar nga grupet “Mobilje, pajisje shtëpie dhe mirëmbajtje e shtëpisë” me 6,6%, “Argëtim dhe kulturë” me 4,7%, “Hotele, kafene dhe restorante” me 4,6%, “Veshje dhe këpucë” me 3,7%, “Mallra dhe shërbime të ndryshme” me 3,2%, “Pije alkoolike dhe duhan” me 2,8%, “Qira, ujë, lëndë djegëse dhe energji” me 2,6%, “Shërbimi arsimor” me 2,0%, “Komunikimi” me 1,4% dhe “Shëndeti” me 1,1%. Nga ana tjetër grupi “Transporti” shënoi ulje me 7,5%.
Brenda grupit të ushqimeve çmimet e nëngrupit “qumësht, djathë dhe vezë” u rritën me 20,6 %, pasuar nga nëngrupet “peshk” me 15,9 %, “zarzavate përfshirë patatet” me 13,6 %, “mish” me 11,4 %, “sheqer, reçel, mjaltë, çokollata dhe ëmbëlsira” me 8,0 %, “bukë dhe drithëra” me 5,6 %, etj.
Banka e Shqipërisë, e cila si objektiv kryesor ruajtjen e stabilitetit të çmimeve, ka vijuar politikën shtrënguese monetare. Gjatë mbledhjes së datës 23 mars, Banka rriti përsëri normën bazë, duke e çuar në 3%. Vitin e fundit norma bazë është rritur disa herë, nga niveli minimal historik prej 0.5%, që ishte në mars 2022.
Banka vlerësoi se inflacioni ka pasur rënie, gjithashtu presionet e brendshme mbi çmimet, e veçanërisht ato që burojnë nga tregu i punës, vlerësohet të jenë të forta dhe në rritje. Sipas Bankës së Shqipërisë, pavarësisht rënies, niveli i inflacionit në dy muajt e parë të vitit ishte në kahun e sipërm të pritjeve.
Në krahasim me vitin e kaluar në muajin mars vëmë re ulje të disa kategorive dhe ngritje të kategorive të tjera. Sidomos këtë vit kemi një rritje të menjëhershme të bulmetrave. Pa anashkaluar faktin që shumica e familjeve po hasin vështirësi në përballimin me sukses të gjërave bazike pra që u duhen në përditshmëri dhe krahasuar me të ardhurat që kanë.
Inflacioni eshtë shumë pak në rënie dhe çmimet në rritje. Shpresojmë që kjo situatë të ndryshoj së shpejti.
