Shqipëria njihet për mikëpritjen e bujarinë që i karakterizon qytetarët kudo ndodhen.
Shtetas të ardhur nga vende si: Turqia, India, Bangladeshi etj ushtrojnë profesionet e tyre në industri të ndryshme në vendin tonë.
“Nevoja jonë për punëtorë të huaj ka lindur që në 2019-n dhe aplikimet e para kanë filluar që në këtë vit, por duke marrë parasysh që pandemia ndërpreu çdo lidhje me pjesë të tjera të botës, atëherë dhe një eksperiencë e tillë u ndërpre”,- thonë ekspertët.
“Menjëherë pas pandemisë u mor edhe njëherë aty ku kishte ngel situata dhe filluam të kishim eksperiencat e para”.
Ata janë tejet të përkushtuar në punën që marrin në dorëzim.
Mungesa e investimeve në sektorin e industrise faktori kyç për largimin e punëtorëve shqiptarë?
“Nga statistikat e fundit po shohim që shteti po vuan për kuadro të mirëfilltë, edhe në sektorë të tjerë.
Nuk ka më rigjenerim punonjësish me forca te reja dhe rritja e pagave aspak nuk ka ndikuar për mirë në këtë aspekt”,- kjo problematikë është me karakter global”.
Sa i përket mësimit të gjuhës shqipe, të huajt me sa duket nuk e kanë shumë problem pasi pozitiviteti i kolegëve apo fqinjëve i ndihmon për tu mësuar më shpejt me vështirësitë e gjuhës që nuk i përket kombit ku nga ata kanë prejardhjen e tyre.
