Gjykata e lart franceze ka mbështetur planin e diskutueshëm të presidentit Macron për të rritur moshën e pensionit në vend me dy vjet, nga 62 në 64. Vendimi vjen pas muajsh protestash dhe grevash të dhunshme në rrugë.
Këshilli Kushtetues i Francës me nëntë anëtarë mbështeti planin e diskutueshëm të presidentit Emmanuel Macron për të shtyrë reformat e pensioneve në vend.
Plani, i prezantuar nga presidenti në janar, tërboi punëtorët francezë të cilët janë rebeluar kundër rritjes së moshës së pensionit nga 62 në 64 vjeç. Franca ka një nga sistemet më bujare të daljes në pension në botën e industrializuar , me punëtorë që mund të largohen vite përpara atyre në vende të tjera.
Kryeministrja franceze Elisabeth Borne i kërkoi Këshillit të rishikojë kushtetutshmërinë e reformës së propozuar pasi ajo u miratua nga dhoma e ulët e parlamentit me dekret në mars, duke anashkaluar një votim dhe duke shkaktuar zemërim publik. Pas vendimit të së premtes, Borne shkroi në Tëitter se propozimi “po i afrohej fundit të procesit të tij demokratik” dhe tha se “nuk kishte fitues apo humbës”.
Këshilli konstatoi se rritja e moshës së daljes në pension nga qeveria ishte në përputhje me kushtetutën, megjithëse gjashtë masa të tjera që nuk konsideroheshin thelbësore për reformën u refuzuan, siç ishte një propozim për një referendum mbi çështjen e moshës, i paraqitur nga kundërshtarët e Macron në të majtën politike.
pwrmes një postimi në rrjetin e tij social Twitter Ministri i Punës Dussopt të premten tha se presidenti do të nënshkruajë projektligjin në ditët në vijim.
Ministri i Punës Olivier Dussopt tha se qeveria tashmë po punon shumë për të zbatuar ndryshimet deri më 1 shtator.
➡️ L’emploi des seniors reste une priorité pour le @gouvernementFR.
Nous devrons, avec les partenaires sociaux et les parlementaires, trouver les voies et moyens pour soutenir et améliorer le taux d’emploi des salariés âgés de plus 50 ans.
— Olivier Dussopt (@olivierdussopt) April 14, 2023Sindikatat hodhën poshtë ftesën e Macron për të diskutuar çështjen javën e ardhshme dhe në vend të kësaj i kërkuan atij të mos e nënshkruante projektligjin, duke përmendur “refuzimin masiv publik” të planit.
Udhëheqësja e sapozgjedhur e sindikatës së fuqishme CGT të Francës Sophie Binet, tha se asnjë lider sindikatash nuk do të fliste kurrë me Macron nëse ai nënshkruan legjislacionin, pasi ajo u kërkoi punëtorëve të “intensifikojnë aksionin e grevës në të gjithë vendin”.
Sindikatat kanë bërë thirrje për protesta mbarëkombëtare për 1 Majin, Ditën Ndërkombëtare të Punëtorëve.
Protesta të mëdha kundër lëvizjes
Franca ska të ndalur nga greva të përgjithshme dhe ka parë qytetarë të përfshirë në beteja në rrugë me policinë , pasi shumë aspekte të jetës së përditshme vazhdojnë të preken nga protestat dhe grevat.
E premtja nuk ishte ndryshe, me protestuesit që bllokuan rrugët dhe autostradat në të gjithë vendin dhe demonstratat filluan rreth mesditës në kryeqytetin Paris përpara vendimit të Këshillit.
Disa kosha plehrash të djegur ndërsa marshonin nëpër Paris, duke kënduar një këngë popullore nga protestuesit kundër Macron: “Ne jemi këtu, ne jemi këtu, edhe nëse Macron nuk e dëshiron, ne jemi këtu”.
Protestat që u mblodhën me qindra shpërthyen në qytete të tjera, duke përfshirë Marsejën dhe Tuluzën. Në Lyon, policia përdori gaz lotsjellës për të shpërndarë demonstruesit.
Në qytetin perëndimor të Rennes, protestuesit i vunë flakën hyrjes së një komisariati, ndërsa zjarre të tjera u ndezën edhe në qytet.
Dita e sotme pritet të jetë tejet zhurmuese për francezët me demostrata e thirrje kundër Macron.
#Retraites | Le @Conseil_constit a jugé, tant sur le fond que sur la procédure, la réforme conforme à notre Constitution.
Le texte arrive à la fin de son processus démocratique.
Ce soir, il n’y a ni vainqueur, ni vaincu.
— Élisabeth BORNE (@Elisabeth_Borne) April 14, 2023
