Prej kohësh lidhja e aktorit të humorit Olsi Bylyku me partneren e tij Egli Tako ka qenë vazhdimisht në qendër të mediave. Çifti bëri publike lidhjen në vitin 2019, ku treguan se kanë një marrëdhënie të konsoliduar. Nuk kanë qenë të paktat rastet ku është folur edhe për dasmën e tyre e gjithashtu edhe për një shtatzëni të mundshme të Eglit.
Ndonëse të gjithë po prisnin “ datën e dasmës “, çifti duket se i ka dhënë fund lidhjes së tyre. Gjithçka që i lidh tashmë Olsin dhe Eglin në jetën e tyre publike është një “folloë”. Ata vazhdojnë të ndiqen në “Instagram”, por vetëm kaq.
Prej muajsh çifti nuk shkëmben më as “like” në fotot e tyre e madje Egli ka zhdukur edhe kujtimet me partnerin. Për të mos u mjaftuar me kaq, Olsi ka publikuar së fundmi një nga paroditë e tij, e cila u shpërnda nga qindra ndjekës e miq, por jo nga partnerja e tij.
Të vetmet gjurmë të Olsit në profilin e Eglit kanë mbetur bashkëpunimet mes tyre, pasi ata janë një dyshe shumë e mirë kur flitet edhe për muzikën. Duket qartë që marrëdhënia e çiftit nuk është në ditët më të mira, por a është kjo një ndarje apo një krizë në lidhjen e tyre mbetet ta dëgjojmë nga artistët.
Një tjetër detaj që na tërhoqi vëmendjen ishte edhe fakti që për ditëlindjen e mamasë së Olsit, ndryshe nga çdo vit tjetër, Egli zgjodhi mos të bënte një urim për të. Nga ana tjetër, me një foto krah saj, Olsi i dedikon fjalët më të ndjera.
Deri më tani asnjë prej dyshes nuk janë prononcuar në lidhje me vërtetësinë ose jo të lajmeve që përfliten për një krizë mes çiftit.
