Manuel Sarrazin, i dërguari special i Gjermanisë për Ballkanin Perëndimor, ka folr për dialogun Kosovë-Serbi.
Ai ka deklarar se Berlini zyrtar i mëshon argumentit se Serbia nuk mund të antarësohet në BE, pa njohur sëpari Kosovën.
Serbia cilësohet si një vend me media dhe dekromaci të brishtë, factor pengues për antarësimin në ‘euro zonë’.
Si i përjetoi Gjermania protestat e serbëve nga Kosova dhe barrikadat që ishin në veri në fund të dhjetorit?
Situata në veri të Kosovës, nga pikëpamja gjermane, ishte shumë e rrezikshme. Është ende shumë e rrezikshme. Kemi një situatë ku shërbimet themelore shtetërore, siç janë shërbimet e sigurisë, aktualisht nuk mund të ofrojnë siguri për serbët, por edhe për qytetarët e tjerë të Kosovës. Prandaj mendoj se është e rëndësishme të përshpejtohet procesi i kthimit të serbëve në institucionet e Kosovës.
Personalisht i kuptoj emocionet e serbëve nga veriu i Kosovës, por më e rëndësishmja edhe për ta është që bashkësia ndërkombëtare të bëjë gjithçka për të parandaluar përshkallëzimin e konfliktit. Kjo është një nga arsyet pse ne mbështesim Miroslav Lajçakun dhe Bashkimin Evropian, për të kontribuar në deskalimin e situatës në terren përmes dialogut ndërmjet Kosovës dhe Serbisë. Ne e kemi të qartë se gjithçka nuk ka përfunduar ende, por të paktën tensioni është dukshëm më i ulët se sa ishte në dhjetor.
