Turqia është vendosur për një raund të dytë votimi për herë të parë, pasi as Recep Tayyip Erdogan dhe as Kemal Kilicdaroglu nuk siguruan një shumicë absolute.
Hendeku mes tyre ishte fare i vogël prandaj Turqia është vendosur për një raund të dytë votimi pasi as presidenti Recep Tayyip Erdogan dhe as kundërshtari i tij kryesor Kemal Kilicdaroglu nuk ishin në gjendje të siguronin një shumicë të plotë në zgjedhjet presidenciale të së dielës, tha autoriteti zgjedhor i vendit.
Erdogan mori 49.51% të votave. ndërsa rivali i tij kryesor, Kemal Kilicdaroglu, doli i dyti me 44.88%, sipas shifrave.
Kandidati i tretë presidencial, Sinan Ogan, përfundoi i treti me 5.17%.
Meqë asnjë kandidat nuk ka kaluar pragun e 50% për presidencën, Turqia është vendosur në balotazh për herë të parë në histori.
Raundi i dytë i votimit për zgjedhjet presidenciale është planifikuar për më 28 maj.
Të dy kandidatët thanë se do të pranonin një raund të dytë.
Me 99.83% të votave të numëruara, Aleanca Popullore e Erdoganit ishte në rrugën e duhur për 318 vende në parlamentin prej 600 vendesh.
Aleanca Kombëtare e Kilicdaroglu e formuar nga gjashtë parti opozitare, duke përfshirë Partinë e tij laike Republikane Popullore (CHP), dukej e gatshme për 211 vende.
Erdogan tha se sistemi zgjedhor i Turqisë ishte “një shembull për botën” dhe hodhi poshtë pretendimet për manipulim të të dhënave.
