Dikur ishte ndër më elitaret në Formula 1, ndërsa sot vazhdon e zhgënjen në çdo xhiro.
“Kokëkuqja” Ferrari nuk ka shkuar më shumë se një vend i 5-të me spanjollin Carlos Sainz, ndërsa Leclerc në vendin e 12-të.
Piloti i Ferrarit nga Monaco, Charles Leclerc, është shprehur tepër i pakënaqur.
Njëjtë si kolegu i tij edhe Carlos Sainz, ndan të njëjtin mendim, ku në përfundim të cirkuitit në Barcelona, ai theksoi: “ Garë zhgënjyese, le të themi që kjo pistë nxori në pah edhe një herë tjetër defektet tona. Red Bulli dhe Mercedes janë shumë larg nesh, por sot menduam se mund ta siguronim një vend në podium.”
Pikërisht pas 7 garave të zhvilluara, pilotët e Ferrarit kanë grumbulluar në total 100 pikë, 70 më pak se kryesuesi Verstappen, ku duket se nuk do të ketë rivalë për titullin kampion.
