Opinionisti i Big Brother Arbër Hajdari i ftuar së fundmi në një intervistë televizive, ka folur rreth jetës dhe planeve të tij.
I pyetur nga drejtuesja e programit se se me cilën nga opinionistet që ka patur në krahë ka shkuar më mirë përgjatë dy edicioneve të “BBV”, Balina Bodinaku apo Zhaklin Lekatari, ai shprehet se me Zhakun ka pasur raporte me të mira.
Ata kanë vazhduar miqësinë e tyre edhe jashtë kamerave, ku përmes takimeve kanë folur për çështje të ndryshme që kanë të bëjnë me shoqërinë tonë.
E ndërsa për sa i përket raporteve me ish-banorët e “Big Brother”, Arbëri ka thënë se ka marrëdhënie të mira me të gjithë dhe çdo gjë që ka ndodhur gjatë edicionit, është lënë po aty.
