Drejtuesi i Komisionit Shtetëror të zgjedhjeve, Ilirjan Celibashi, në një takim me mediat ka folur për formatin e fletës së votimit në zgjedhjet bashkiake më 14 maj.
Celibashi është shprehur se në fletë do të jepet hapësira për të mos bërë votimin klasik, por një proces më I imtësishëm, ku në fletë do të jetë një vend i posaçëm për të vënë emrin e kryetarit të partisë.
Do të bëhet kjo gjë si pasojë e ndarjes së Partisë Demokratike me dy drejtues politikë.
“Po, është parashikimi i ligjit. Në fletën e votimit shënohet emri i kryetarit të partisë politike”, theksoi Celibashi.
Vijoi më tej, duke raportuar se deri tani janë regjistruar 21 parti politike si dhe kanë nisur procedurat prokuruese për pajisjet e votimit elektronik.
