Më 21-maj shteti fqinj Greqia do të mbajë zgjedhjet parlamentare. Në këto zgjedhje do të marrin pjesë 38 parti, 10 koalicione partiake dhe 2 kandidatë të pavarur do të garojnë në zgjedhjet parlamentare më 21 maj në Greqi.
Afati për regjistrimin e partive politike për pjesëmarrje në zgjedhje ka skaduar në mesnatën e së enjtes. Ajo që bie më shumë në sy, është numri shumë i lartë i partive që garojnë tani, krahasuar me zgjedhjet e 2019. Autoritetet thonë se janë më shumë se më shumë se dyfishi i numrit në zgjedhjet e 4 viteve më parë.
Në garë për tu bërë pjesë e Kuvendit të Greqisë janë edhe dy shqiptarë, në dy partitë më të mëdha të vendit. Ata janë Fatos Malaj dhe Antilian Koxhaj.
Për Fatos Malaj kjo nuk është hera e parë. Ai kandidon për herë të dytë me PASOK, në Athinë, në zonën A. Në 2019 ai nuk siguroi dot mjaftueshëm vota, për tu futur në Parlament.
Ndërsa kandidati tjetër shqiptar, Antiljan Koxhaj, nga brezi i dytë i emigrantëve kandidon me SYRIZA në zonën B të Athinës dhe Pireut.
Fatos Malai ka lindur në Delvinë të Shqipërisë dhe prej më shumë se 20 vitesh punon në sindikata që kanë të bëjnë e me emigracionin, në Athinë. Ai ka qenë anëtar i Seksionit për të Drejtat e Njeriut dhe Politikat e Imigracionit në Lëvizjen “Ndryshim”.
Ai është shumë aktiv atje, për të drejtat e emigrantëve, jo vetëm shqiptarë, por edhe të emigrantëve grekë, që ikin nga vendi i tyre, për të drejtën për të drejtën për të pasur punë, arsim dhe shërbim shëndetësor.
Adiljan Koxhaj është 31 vjeç. Ai është diplomuar në Greqi, për Shkenca Politike në Universitetin e Kretës. Edhe ai është i përfshire në politikat që kanë të bëjnë me emigrantet. Është hera e parë që i riu kandidon për të qenë pjesë më aktive e politikës greke.
