Me një ndërprerje masive të internetit janë përballur anembanë botës, kanalet televizive, aeroportet dhe banka të mëdha.
Faqja e internetit DownDectector, e cila gjurmon ndërprerjet e internetit të raportuara nga përdoruesit, regjistroi ndërprerje në rritje në shërbimet në Visa, sigurinë ADT dhe Amazon, dhe linja ajrore duke përfshirë American Airlines dhe Delta.
Disa orë më pas, Crowdstrike me anë të një deklarate ka njoftuar se problemet kibernetike që janë shkaktuar si pasojë e një “defekti” gjatë përditësimit të një sistemit të saj. Kjo kompani krijon softuerë për të luftuar viruset kompjuterike.
![Zbulohet shkaku i ndërprerjes së internetit në mbarë](https://cdnimpuls.com/bordo.al/media3/-900-0-1721394838xaptopix-germany-worldwide-internet-outage-04380-845.jpg)
Crowdstrike ka thënë se është duke punuar vazhdimisht me konsumatorët. “Sistemet Mac dhe Linux nuk janë prekur. Ky nuk është incident i sigurisë apo sulm kibernetik. Problemi është identifikuar, izoluar dhe po punohet në të”, ka thënë kompania përmes një deklarate.