Përgjatë ditës së sotme do të vijojë depërtimi i masave ajrore të paqëndrueshme në vendin tonë duke diktuar mot me vranësira dhe shira ku më të dukshme do të jenë në zonat veri-veriperëndimore të Shqipërisë.
Në orët e para të ditës do të ketë herë pas here intervale me kthjellime përgjatë shtrirjes perëndimore duke lenë me vranësira dhe shira të dobët të gjithë zonën malore.
Gjatë orëve të mesditës dhe pasdites pritet shtim i intensitetit të shirave në të gjithë vendin.
Temperaturat e ajrit do të mbeten konstante në mëngjes, por do të rriten në mesditë duke luhatur vlerat ditore nga 9°C deri në 26°C.
Era do të fryjë e lehtë në tokë dhe në det me shpejtësi 30 km/h nga drejtimi veriperëndimor duke krijuar në brigjet e detit Adriatik dhe Jon dallgëzim 2 ballë.
