Kylian Mbappé ka konfirmuar se do të largohet nga Paris Saint-Germain në fund të sezonit. 25-vjeçari e bëri të ditur këtë përmes një videoje të postuar në faqen e tij në Instagram.
Mbappé tha se do të luajë ndeshjen e tij të fundit në Parc des Princes të dielën.
“Do të luaj ndeshjen time të fundit në Parc des Princes të dielën. Është shumë emocion; shumë vite ku pata shansin dhe nderin e madh të jem anëtar i klubit më të madh francez – një nga më të mirët në botë – gjë që më lejoi të arrij këtu, të kem përvojën time të parë në një klub me shumë presion; të rritesh si lojtar sigurisht, duke qenë përkrah disa prej më të mirëve në histori – disa prej kampionëve më të mëdhenj; të takoj shumë njerëz, të rritem edhe si burrë, me gjithë lavdinë dhe gabimet që kam bërë.
Është e vështirë dhe kurrë nuk e kam menduar se do të ishte kaq e vështirë të njoftoja këtë, të largohesha nga vendi im, Franca, Ligue 1, një kampionat që e kam njohur gjithmonë, por mendoj se më duhej kjo, një sfidë e re pas shtatë vitesh”, tha Mbappé.
