30 vjeçarja M. V., ka humbur jetën pas katër ditësh lindje në në martentetin “Koço Gliozheni”.
Në një reagim spitali sqaron se nëna është paraqitur në datë 28 janar dhe nuk ka shfaqur asnjë shenjë patologjie shoqëruese.
Mjekët shprehen se lindja ka shkuar mirë, lindje natyrale ku ka sjell në jetë një djalë 5 kg.
4 ditë pas lindjes e reja ka shfaqur shënja debulese dhe është paraqitur në spital. Por pas gjithë përpjekëve të mjekëve, e reja nuk ka mundur dot të shpëtojë.
REAGIMI I MATERNITETIT
Materniteti “Koco Gliozheni” i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës.
30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese.
Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.
Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komform të gjitha protokolleve mjekësore.
Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e Mjekësisë Ligjore për të mësuar shkakun e humbjes së jetës së pacientes.
