“Universal Music” po tërheq miliona këngë të saj nga rrjeti social “TikTok”, pasi negociatat e tyre për një pagesë të drejtë dështuan. Lëvizja mund të nënkuptojë që përdoruesit e platformës nuk do të kenë më akses në këngët e artistëve si Taylor Swift, The Weeknd apo Drake, si dhe nëse i kan përdorur ato në videot e tyre do rezultojnë “muted” pa ze. Kontrata mes tyre ka përfunduar në 31 janar të këtij viti dhe me sa duket UMG ka vendosur mos ta rinovoj.
Universal ka akuzuar “TikTok”-un për përfitime dhe pretendon se rrjeti social ishte i gatshëm të paguante vetëm një “pjesë” të asaj që paguajnë rrjetet e tjera për qasje në katalogun e tyre të gjerë.
Megjithatë, përfaqësuesit e platformës TikTok pretendojnë se “Universal Music Group” ka bërë një deklaratë të pavërtetë.
“Është e trishtueshme dhe zhgënjyese që Universal Music Group ka vënë lakminë e saj mbi interesat e artistëve dhe kompozitorëve të saj. Pavarësisht retorikës së rreme të UMG, fakti është se ata kanë zgjedhur të largohen nga mbështetja e fuqishme e një platforme me mbi një miliard përdorues që shërben si një mjet promovues dhe zbulues falas për talentin e tyre.
Tik- Tok ka arritur të arrijë marrëveshje si ‘artisti i parë’ me çdo etiketë dhe botues tjetër. Është e qartë se veprimet egoiste të Universal Music Group nuk janë në interesin më të mirë të artistëve, kompozitorëve dhe fansave”, kanë deklaruar përfaqësuesit e Tik-Tok.
Çka do të thotë se të gjithë ata personazhe që në videot Tik- Tok përdorin këngët përkatëse që janë fshirë, tashmë videot e tyre do jenë mute.
