Një atentat me armë zjarri ka tronditur mëngjesin e sotëm fshatin Rrile të Lezhës. I plagosur mbeti Agron Puka, 54-vjeç, i cili u qëllua me breshëri plumbash para shkollës së fshatit menjëherë pasi la fëmijët.
Ndërkohë të tronditur nga ngjarja, fëmijët dhe mësuesit kanë bojkotuar mësimin në shkollën 9-vjeçare ‘Marash Gjoni’ në Rrilë, pasi nga të shtënat janë rrezikuar edhe ata.
Ndërkohë pista kryesore e hetimeve për plagosjen e Agron Pukës në fshatin Rrilë të Lezhës, janë konfliktet e pak ditëve më parë mes tij dhe disa personave. Burime bëjnë me dije se Agron Puka ishte përfshirë në një konflikt dy ditë më parë në qytetin e Lezhës. 54-vjeçari, bashkë me dikë tjetër, kishin goditur me sende të forta një person.
