Ministri i Drejtësisë, Ulsi Manja bën të ditur se do të paraqes në Spak kallëzim penal për vrasjen e 4 qytetarëve në protestën e “21 Janarit”.
Manja i cilësoi si vrasje shtetërore dhe Struktura e Posaçme kundër korrupsionit dhe krimit të organizuar duhet të nis hetimet mbi ngjarjen dhe të vë para drejtësisë dhe ligjit ccdo përgjegjës.
“Ato katër vrasje kurrsesi nuk mund të jenë vrasje nga pakujdesia. Nëse ka një fakt të ri që ka dalë në dritë, që ka pasur komunikim në radio nga grupi i zjarrit dhe kjo sigurisht që mbetet një krim shtetëror dhe ngjarje e pahetuar. Ne presim që SPAK ta marrë këtë çështje, ta hetojë, në mënyrë të gjithanshme dhe kushdo që ka qenë përgjegjës, dhe pavarësisht pozitës që ka patur, të përgjigjet para drejtësisë.
Ne nuk i hyjmë nëse prova që ka dalë është autentike ose jo, kjo i takon SPAK të japë përgjigje, për këtë provë dhe të tjera që do dlin në dritë më hetimin e kësaj çështje” Tashmë SPAK ka sprovën e vet për të treguar se është në lartësinë e detyrës për të hetuar këdo, pavarësisht nga pozita që ka pasur apo ka sot në hierarkinë shtetërore. Sot do ta dorëzojmë kallëzimin në SPAK. Nuk mundet kurrsesi urdhërdhënësit e vrasjes të barazohen me protestuesit dhe qytetarët, që kanë protestuar dje, sot dhe do të protestojnë dhe nesër. Sot do ta depozitoj kallëzimin në SPAK si ministër i Drejtësisë”, u shpreh Manja në konferencën për media.
