Shtetasi K. M., ka rënë në pragat e policisë pasi lëvizte i lirënë një lagje në Kurbin duke terrorizuar banrët.
Ka qenë denoncimi i këtyre të fundit të cilët kanë lajmëruar uniformat blu, ku bën të mundur kapjen dhe arrestimin e autorit.
Nga kontrolli policor është sekuestruar një kallashnikov me krehër e fishekë në cilësinë e provës materiale.
Autori sapo ka parë efektivët e policisë ka mundur të hedh armën me 24 fishekë me qëllim fshehjen, por nuk ia ka arritur dot, pasi është diktuar nga automjetet e policisë.
Për shtetasin K. M., rëndon akuza e “Mbajtjes pa leje dhe prodhimi i armëve, armëve shpërthyese dhe i municionit”.
NJOFTIMI POLICISE:
“Kurbin/Lëvizte me armë zjarri kallashnikov në rrugicat e lagjes ku banonte, duke krijuar panik te banorët, Policia ndërhyn në kohë duke vënë në pranga shtetasin që qarkullonte me armë.
Sekuestrohet 1 armë zjarri kallashnikov me krehër me fishekë në të.
Shërbimet e Komisariatit të Policisë Kurbin, menjëherë pas marrjes së denoncimit për një shtetas që lëvizte i armatosur me armë zjarri, në lagjen ku banonte, duke krijuar panik te banorët, kanë organizuar punën dhe në kuadër të operacionit policor të koduar “Fqinji”, kanë arrestuar në flagrancë shtetasin K. M., banues në Milot, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Ky shtetas u kap në flagrancë në rrugicën e lagjes ku banonte, teksa mbante me vete, një armë zjarri kallashnikov me krehër me 24 fishekë në të. Shtetasi K. M., sapo ka parë punonjësit e Policisë, e ka hedhur armën, me qëllim fshehjen e saj. Ndërhyrja e menjëhershme e shërbimeve të Policisë, bëri të mundur gjetjen dhe sekuestrimin në cilësinë e provës materiale, të armës së zjarrit kallashnikov dhe municionit luftarak.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.”- thuhet në njoftim.
