Dronët goditën disa ndërtesa në Moskë të martën në mesnatë duke shkaktuar dëme të vogla dhe duke detyruar disa njerëz të evakuohen nga shtëpitë e tyre, thanë zyrtarët rusë, ndërsa Rusia lëshoi një valë tjetër bombash fluturuese në kryeqytetin ukrainas Kiev duke vrarë një person.
Askush nuk e mori përsipër përgjegjësinë për sulmin ndaj Moskës, për të cilin një komentator i televizionit pro-Kremlin tha, pa cituar burime, se përfshinte rreth 25 avionë pa pilot.
Incidenti vjen disa javë pasi dy dronë shpërthyen mbi Kremlin – një sulm që Rusia ia ka fajësuar Ukrainës, megjithëse Kievi e ka mohuar përgjegjësinë – dhe pason sulmet intensive me dron dhe raketa ruse në qytetet ukrainase këtë muaj.
Andrei Vorobyov, guvernatori i rajonit të Moskës, tha në Telegram se disa drone u rrëzuan në afrimin e tyre drejt Moskës. Ndërsa kryebashkiaku i Moskës Sergei Sobyanin tha se dy persona kërkuan ndihmë mjekësore dhe asnjë nuk u plagos rëndë.
Mediat ruse raportuan se disa banorë të një ndërtese në jug të qytetit po evakuoheshin.
Në Kiev, forcat e mbrojtjes ukrainase thanë se rrëzuan më shumë se 20 dronë gjatë një vale të re të sulmeve ajrore ruse mesnatën e së martës.
Administrata ushtarake e Kievit tha se ndryshe nga shumica e bastisjeve të mëparshme, sulmi përfshinte vetëm drone Shahed të prodhuar nga Irani dhe asnjë raketë.
Zyrtarët ukrainas thane se një person vdiq dhe katër u plagosën kur mbeturinat nga një predhë e shkatërruar ruse goditën një ndërtesë shumëkatëshe duke shkaktuar një zjarr
Dy katet e sipërme të ndërtesës u shkatërruan dhe mund të kishte ende njerëz nën rrënoja, thanë zyrtarët e administratës ushtarake të Kievit në aplikacionin e mesazheve Telegram.
