Prej disa ditësh, Luiz Ejlli ka njoftuar se surpriza që do t’i bëjë Kiarës këtë Shën Valentin do të jetë më e vecanta në histori. Pas kësaj deklarate të gjithë jemi duke pritur mbrëmjen e sotme për të zbuluar për cfarë bëhet fjalë.
Por duket se kurioziteti i tepërt ka bërë që surpriza të zbulohet para kohe. Bëhet fjalë për një këngë dedikuar Kiara Titos!
Që prej mëngjesit të sotëm në rrjet qarkulluan copëza të këngës e më në fund vetë Top Channel ka publikuar verisonin final së bashku me videoklip.
Kënga titullohet “Me ty” dhe i gjithë realizimi dhe regjistrimi i saj është bërë nga Luizi në dhomën e rrëfimeve. Për muzikën është kujdesur Elgit Doda. Ndërsa produksoni ka realizuar videoklipin me momentet më të bukura të ciftit brenda shtëpisë dhe me perfomancën e Luzitit në dhomën e rrëfimeve.
Me tekstin e ndjerë, deklaratat e ëmbla dhe klipin si një film romantik, jemi të sigurtë që kjo është dhurata më e bukur që Kiara mund të merrte për Shën Valentin.
