Në një kohë ku ChatGPT ka nisur të përdoret në shumë drejtime të ndryshme në jetën e përditshme, studiuesit e Microsoft dëshirojnë që ta bëjnë AI të mendojë jashtë tekstit. Ato po testojnë se çfarë mund të ndodhë nëse lejojnë ChatGPT të kontrollojë robotët.
Këta studiues po përdorin ChatGPT për të shkruar një kod në kompjuter që mund të kontrollojë lëvizjen e krahëve të robotëve si dhe të drejtojnë një dron në fluturim.
“Qëllimi ynë me këtë studim është të shikojmë nëse ChatGPT mund të mendojë përtej tekstit dhe të arsyetojë rreth botës fizike për të ndihmuar robotët në punët e tyre.” tregoi Microsoft në një postim në blog. “Ekipi ynë ka eksploruar për mënyra që mund të ndryshojnë këtë realitet dhe të bëjnë ndërveprimet midis huamnëve dhe robotëve sa më natyrale që të jetë e mundur duke përdorur ChatGPT.”
Ekipi i studiuesve tregoi se sfida kryesore e tyre ishte të mësonin ChatGPT si të zgjidhte probleme duke konsideruar ligjet e fizikës, kontekstin e ambientit ku gjenden robotët si dhe mënyrën se si veprimet e robotëve mund të ndryshojnë gjendjen e ambientit përreth.
Microsoft ka zgjeruar aftësitë e ChatGPT për të përfshirë robotikën dhe ka zhvilluar një ndërfaqje natyrale gjuhe për kontrollimin e disa platformave të ndryshme, duke përfshirë këtu krahët robotikë, dronët si dhe robotët shtëpiakë.
