Studiuesit në University of Bristol dhe MultiMedica Group në Itali kanë zbuluar një gen të veçantë në popullsinë e 100 vjeçarëve që e ka mbrojtur zemrën e tyre nga sëmundjet që lidhen me moshën e madhe, si infarkti.
Ky gen u zbulua në një grup njerëzish që jetojnë në zonat blu të planetit, ku mendohet se njerëzit jetojnë më gjatë. Në këto zona përfshihen Okinawa në Japoni, Sardenja në Itali, Nicoya në Kosta Rika, Ikaria në Greqi dhe Loma Linda në Kaliforni. Ka shumë individë në këto zona arrijnë të jetojnë për më tepër se 100 vite duke gëzuar shëndet të plotë të zemrës.
Nëpërmjet këtij studimi u demonstrua se një ndër genet mutantë të shëndetshëm ishin të pranishëm në këto persona, duke mbrojtur zemrën e tyre nga sëmundjet.
Një administrim i vetëm i këtij geni arriti të ndalonte dobësimin e funksionit të zemrës në minjtë me moshë të mesme. Kur geni administrohej tek minjtë me moshë të vogël, u vërtetua se mund të rinojë moshën biologjike të zemrës së njeriut me ekuivalenten e 10 viteve.
Studiuesit nga MultiMedica Group në Itali, të drejtuar nga Annibale Puca e kanë administruar këtë gjen në qelizat e pacientëve të moshuar që kishin probleme me zemrën, dhe më vonë krahasuan funksionin e këtij organi me pacientët e shëndetshëm.
“Qelizat në pacientët e moshuar, kryesisht ato që ndihmojnë krijimin e enëve të reja të gjakut të quajtura “pericite” kishin një funksion në limituar. Pas injektimit të gjenit/proteinës LAV-BPIFB4 ne vumë re një përmirësim të funksionit kardiak: qelizat kardiake në pacientët e moshuar me infarkte kishin rinisur të funksiononin siç duhet, duke qenë më efiçientë në krijimin e enëve të reja të gjakut.” tha Monica Cattaneo, studiuese në MultiMedica Group Milano.
