Kryeministri Edi Rama ka takuar përfaqësuesit e biznesit fason ku kanë arritur disa pika dakordësie. Me anë të një postimi në rrjetet sociale, kreu i qeverisë thotë se ndërhyrjet për të cilat u ra dakord do të stimulojnë transformimin dhe investimet në teknologji e inovacion.
Kështu mes qeverisë dhe biznesit fason u arrit dakordësia për rimbursimin e shpejtë të TVSH përmes një kanali të dedikuar për kompanitë e kësaj industrie.
Ofrimi i një mekanizmi lehtësues (overdraft) për disponimin e shpejtë të likuiditetit, sipas kontratave me porositësit që kompanitë duhet të fusin në prodhim.
Një garanci sovrane për investime në teknologji dhe inovacion. Një skemë financimi për ngritjen e një akademie profesionale për manifakturën dhe trajnimet përkatëse në kompani.
