Pirpiria e Gjirokastrës e realizuar nga Lizeta Hatika një artizane gjirokastrite e mbështetur vetëm në një foto. Veshje e bërë prej disa dekadash që ishte humbur kohët e fundit dhe zëvendësuar me veshje të reja.
Në fillim të viteve ’80 me hapjen e pikës kufitare të Kakavijës u realizua një event ku ishte parë për herë të fundit pirpiria e mbuluar me dekorime e të qëndisur në fije ari. Fijet e arit dhe mëndafshit ishin ato që mbizotëronin në veshjet e gruas gjirokastrite e që i bënin ato edhe më të çmuara.
Sipas artistit dhe etnografit Stavri Çati për realizimin e këtij punimi shkonte deri në 6 vite punë, por Lizeta Hatika punoi fort për rreth tre vjet e mbështetur nga ai për ta risjellë të plotë këtë veshje e cila për Gjirokastrën ishte mbretëresha e veshjeve artizanale e cilësuar si ndër më të bukurat dhe më të rrallat e qytetit.
Ndodhej vetëm një nga variantet e pirpirisë gjirokastrite të cilat mund të gjenden në muze të ndryshëm si në Athinë apo Londër, por asnjë në Shqipëri. Prandaj dhe është punuar intensivisht për realizimin në përsosmëri të veshjes së lashtë
Çati flet se punimi ka në përbërje 17 elementë dhe se Lizeta ia doli më së miri afër origjinalitetit dhe gjithashtu ka detaje elementët e veshjeve të 7 zonave etnografike të Gjirokastrës. Gjetja e materialeve ishte pengesa për mbarimin e pirpirisë, por pas një mundimi të madh më në fund u realizua punimi tradicional ku prej 4 dekadash kishte munguar. Me risjelljen e papirisë plotësohet trashigëmia kulturore.
