Moti i keq po mundon disa rajone të Italisë, por më e goditura prej tyre është Emiglia Romagna, ku autoritetet kanë dhënë alarmin e kuq.
Këto dy ditë ka rënë më shumë shi se katër muajt e vitit 2023 nga janari në prill. Sipas mediave vendase italianie gjendja nuk është aspak e mirë pasi lumenjtë dalin nga shtrati , rrugë e shkolla të përmbytura.
Probleme kanë pasur linjat hekurudhore si Bolonja-Rimini, ku afërsisht 250 persona janë evakuar në Ravennate, ndërsa 100 të tjerë në territorin e Faenzas për shkak të vërshimit të ujrave, po ashtu dhjetëra në Biancanigo di Castel Bolognese.
Për situatën aktuale janë vënë në dispozicion prefektura bashkë me qendrat operative komunale për të menaxhuar gjendjen aktuale të Italisë. Ndërkohë përveç ekipit të zjarrikëse dhe vullnetarëve të mbrojtes civile në shërbim janë dërguar dhe ekipet ushtarake.
Pavarsisht ndihmës së dhënë fatkeqësisht humbi jetën një 80 vjeçar në orët e para të mëngjesit i marrë nga uji në Castel Bolognese dhe situata këtë mëngjes situata paraqitet më tepër e rënduar.
