Me qënë se jemi në muajin e shenjtë Ramazan, portali jonë ka vendosur t’iu vijë në ndihmë me disa ide se çfarë të konsumoni në kohën e Iftarit.
Ato janë të bollshme dhe të mjaftueshme për personat të cilët përvec një rëgjimi shpirtëror do mbajnë dhe rregjim fizik përgjatë këtij Muaji të Shenjtë.
Me shpresën se recetat e sjella do pëlqehen nga ju më poshtë do ju prezantojmë pjata me shije të veçanta, kryesisht aziatike.
Menuja e për iftar në Ramazan përbëhet nga 4 pjata:
Supë me qofte
Përbërësit:
150 gr mish i grirë
4 gota me ujë të nxehtë
1 kokërr qepë e vogël
2 lugë gjelle miell
4 lugë gjelle kos
1 e verdhë vezë
Kripë
Për siprinën:
1 lugë gjelle gjalpë
1 lugë caji nenexhik i tharë
Përgatitja:
Në një enë vendosni mishin e grirë, qepën e kaluar më par në rende, kripën, dhe piperin. Të gjitha këto përziejini mirë derisa të krijohet një mase kompakte.
Nga ana tjetër në një tenxhere të thellë hidhni ujin e nxehtë dhe lijeni derisa të valojë. Më pas qoftet e ndara në toptha i hedhim në tenxhere. Ziejini përreth 10 minuta.
Për kremin e supës; në një enë hidhni miellin, kosin dhe vezën. Pasi i këni përzier mirë, shtoni një gotë nga lengu i supës që po zien. Kështu përbërësit do jenë tretur njëtrajtësisht dhe është gati të hidhet në tenxhere për të trashur lëngun e supës.
Sipër supës shtoni erëzat e skuqura me vajin e ullirit
Pulë me perime furre
Përbërësit:
6 kofshë pule
3 patate të mesme
1 karrotë
1 qepë mesatare
1 gotë uji bizele gjysëm të gatshme
Për salcën:
1 lugë gjelle salcë domatesh
1 gotë çaji vaj ulliri
1 lugë çaji piper i zi
1 lugë çaji kerri
1 lugë çaji spec djegës
1 lugë çaji kripë
1 lugë çaji rigon
Përgatitja:
Pasi i keni larë mirë kofshët e pulës, me thikë bëni disa prerje vertikale të cilat do ndihmojnë në marinimin sa më eficent të tyre.
Nga ana tjetër në një enë hidhni salcën e domateve, vajin e ullirit, qepën e grirë për së gjati, kripën dhe gjithë erëzat e lartpërmendura. Në këtë enë zhysni kofshët e pulës dhe lërini të marinohen përreth 1 orë.
Perimet e tjera pasi i keni pastruar mirë pritini në formë gjatësore. Ndërsa karrotat në formë rrethore.
Kofshët e pulës pasi janë marinuar i shtroni në tepsi. Në salcën që ka mbetur hedhim patatet dhe karrotat. Në vendet bosh në tëpsi hidhni këto të fundit dhe më pas sipër i shtoni një gotë ujë. Sipër tepsisë vendosni letër furre, dhe sipër letrës së furrës letër alumini. Pjekja do bëhët në këtë mënyrë përreth 1 orë e gjysëm me 190 gradë. Më pas hiqni letrat e furrës dhe shtoni bizelet. Futeni në furrë dhe për 10-15 minuta të tjera që të marrin ngjyrë perimet.
Sallatë “Babagannush”
Përbërësit:
½ kavanoz të gatshëm me patëllxhanë zgare
1 spec i kuq i pjekur
2 speca jeshil të pjekur
1 qepë e mesme
1 thelb hudhër
1 domate
2 duar majdanoz
½ lugë salcë speci
4 lugë gjelle vaj ulliri
3 lugë gjelle lëng limoni
Kripë
Përgatitja:
Shënim:Nëse nuk doni të përdorni perime të gatshme atëherë mund t’i përgatisni vetë. Mjafton t’i vini përimet në zgarë ose furrë. Pasi i këni pjekur i hiqni lëkurën dhe i prisni imët.
Nga ana tjetër në një enë duhet të grini imët qepën. Në një tigan ngrohni vajin e ullirit dhe shtoni qepën. Kaurdiseni përreth 1-2 minuta.
Më pas i shtoni salcën e specit dhe e kaurdisni përsëri.
Në një enë servirjeje shtojmë perimet e zgarës, sipër i shtoni salcën e përgatitur, majdanozin e grirë dhe domaten e grirë imët. Më pas shtojmë dhe hudhrën e kaluar në rende, kripën, 4 lugë vaj ulliri, si dhe lëngun e limonit. Pasi i përzieni mirë i keni gati për servirje.
Ëmbëlsirë “Kurora e Princeshës”
Përbërësit:
2 gota uji lëng vishnje
1 pako puding me vanilje
Për shtresën e bardhë:
2,5 gota uji qumësht
6 lugë gjelle miell bollguri
1 pako vanilje
1 gotë çaji arrë kokosi
Për shtresën kafe:
2 gota uji qumësht
5 lugë gjelle miell bollguri
1 lugë gjelle kakao
3 copa çokollatë fondente
Përgatitja:
Shtresa e kuqe: Në një tenxhere të thellë hidhni lëngun e vishnjes. Më pas i shtoni pudingun dhe e përzieni derisa të trashet.
Ju mund të përdorni kallëp të thjeshtë silikoni për kek.
Pasi keni njomur kallëpin e silikonit lëreni të kullojë uji ( jo ta thani totalisht). Pasi është vakur, shtresën e kuqe, pra pudingun me vishnje hidheni në këtë kallëp dhe vendoseni në ngrirje.
Shtresa e mesme: Në një tenxhere hidhni qumështin, miellin e bollgurit dhe sheqerin. Përzieni derisa të përftoni një masë kompakte. Pasi e keni hequr nga soba shtoni vaniljen dhe arrën e kokosit.
Më pas hidhni këtë përbërje mbi shtrësen me vishnje e cila tashmë është e ngrirë.
Shtresa kafe: në një tenxhere hidhni qumështin, 5 lugë miëll bollguri, kakaon dhe sheqerin. Lërini në zjarr derisa të arrihet një mase kompakte. Para se të trashet totalisht shtoni copat e cokollatës. Këtë përzierje hidhëni në kallëpin e silikonit dhe kështu keni arritur të krijoni 3 shtresa me shije të ndryshme.
Lëreni në frigorifer për 5-6 orë. Më pas e ktheni kallëpin (formën) mbrapsht dhe do shihni një ylber ngjyrash.
