Nënkryetarja njëherësh dhe deputete e Partisë së Lirisë, Erisa Xhixho i është rikthyer çështjes së arsimit profesional, sektor për të cilin thotë ajo, qeveria ka qenë neglizhente përgjatë këtyre dy mandateve.
Përmes një video-mesazhi të publikuar në rrjetet sociale, Xhixho thotë se arsimi profesional që është shumë i keq financuar ku vetëm 0.14 për qind e PBB-së është mbështetja që qeveria ka parashikuar për arsimin profesional në Buxhetin 2024.
“Dua të ndalem tek arsimi profesional që shumë i keq financuar.
I njëjti kryeministër që 8 vite më parë deklaront se: “Punë ka, por nuk ka profesionistë”, del e thotë sot se 70 për qind e kërkesave për punëtorë janë për profesionistë dhe zanatçinjë a thua se nuk ka qenë vetë në krye të qeverisë përgjatë këtyre viteve.
Pasi e neglizhoi për dy mandate tani kujtohet në fakt të zhvendosë barrën tek biznesi, duke iu imponuar të financojnë arsimin profesional publik.
Vetëm 0.14 për qind e PBB-së është mbështetja që qeveria ka parashikuar për arsimin profesional në Buxhetin 2024.
Ndërkohë që paratë e këtij buxheti u derdhën lumë për PPP-të dhe klientëve të qeverisë”, shprehet në video-mesazhin e saj deputetja e PL-së, Erisa Xhixho.
