Një ngjarje e rëndë ka ndodhur mëngjesin e sotëm në Përmet. Sipas informacioneve një pjesë shkëmbore ka rënë mbi një banesë, ku si pasojë ka zënë poshtë një 25-vjeçar.
Bëhet me dije se të riut i janë bllokuar këmbët dhe e ka të pa mundur të lëviz.
Njoftimi:
Mëngjesin e sotëm, në fshatin Çarçovë, një masë shkëmbore ka rrëshqitur nga mali dhe ka rënë në banesën e shtetasit Dh. V., 25 vjeç. Si pasojë, ka mbetur i bllokuar në banesë, 25-vjeçari, të cilit një pjesë e masës shkëmbore i ka zënë gjymtyrët e poshtme dhe i ka pamundësuar lëvizjen.
Shërbimet e Policisë, zjarrfikësit dhe autoambulanca kanë mbërritur në vendngjarje, ku po punohet për nxjerrjen e shtetasit Dh. V.
