Deputetja e Rithemelimit, Albana Vokshi ka hedhur sërish akuza ndaj kryeministri Rama, ku sipas saj ka korruptuar zyrtarin e FBI-së, McGonigal. Duke qenë se s’po fliste për procedurë, Nikolla i ka fikur mikrofonin.
“Një gjë ta kemi të qartë, edhe ju të mazhorancës që me forcën e kartonit po shkelni çdo nen të kushtetues. Çdo lloj manorve të bëni nuk e shpëtoni dot Ramën. McGonigal ndodhet në burg, ashtu do përfundojë edhe ai. Kështu që nëse ka ende deputetë të ndershëm, të ngremë komisionin hetimor.
Keni përjashtuar 24 deputetë zonja Nikolla, është turp. Pra ky parlament ka rënë, s’përgjigjet ndaj asgjëje, përveçse ndaj Ramës. E di që prekeni ku ju preket Edi Rama. S’keni parë gjë akoma. Kryeministri i vendit më të varfër në Evropë, korrupton një zyrtar të FBI.”– tha ajo.
Nikolla i fik mikrofonin pasi nuk foli për procedurë duke devijuar fjalimin, sipas drejtueses së Kuvendit, Lindita Nikolla.
