Geoffrey Hinton quhet eksperti i Inteligjencës Artificiale, punonjës prej shumë vitesh në kompaninë Google. 75-vjeçari ka njoftuar dorëheqjen e tij nga kjo kompani ku dha gjithashtu edhe një deklaratë e cila ishte shokuese për dëgjuesit.
Ai i tha se disa nga rreziqet e chatbot-eve të AI ishin “mjaft të frikshme”.
“Për momentin, ata nuk janë më inteligjentë se ne, me sa mund të them. Por unë mendoj se ata së shpejti mund të jenë.”
Dr Hinton gjithashtu pranoi se mosha e tij kishte luajtur një rol kyç në vendimin e tij për t’u larguar nga gjigandi i teknologjisë.
“Unë jam 75 vjeç, kështu që është koha të tërhiqem”.
Shkencëtari kompjuterik britaniko-kanadez i tha gjithashtu se chatbot së shpejti mund të kapërcejë nivelin e informacionit që mban truri i njeriut.
“Për momentin, ajo që ne po shohim është gjëra të tilla si GPT-4 eklipson një person në sasinë e njohurive të përgjithshme që ka. Për sa i përket arsyetimit, nuk është aq i mirë, le të themi bën një arsyetim të thjeshtë asgjë të jashtëzakonshme.
“Dhe duke pasur parasysh shkallën e progresit, ne presim që gjërat të përmirësohen shumë shpejt. Kështu që ne duhet të shqetësohemi për këtë.”
A është bota e përgatitur për stuhinë e ardhshme të AI?
Inteligjenca artificiale mund të ndikojë në 300 milionë vende pune, tha Hinton.
