Java që lam pas nuk ishte aspak e qetë për industrinë e gazetarisë ndërkombëtare ku dy gazetarët e njohur të mediave prestigjoze si Tucker Carlson ( FoxNews ) si dhe Don Lemon ( CNN ) u shkarkuan nga detyra pas një dekade në detyrë.
Por me sa duket nuk ka mbetur me aq, pasi Shefi i BBC-së Richard Sharp ka dhënë dorëheqjen ditën e premte pasi një hetim i pavarur doli në përfundimin se ai kishte shkelur rregullat, duke mos deklaruar një konflikt të mundshëm interesi, lidhur me rolin e tij në sigurimin e një kredie prej 1 milion dollarësh, për ish-Kryeministrin Boris Johnson.
Kujtojmë se muajin e kaluar BBC ishte në epiqendra e titujve të parë të gazetave për shkak të kritikave të prezantuesit të famshëm sportiv Gary Lineker ndaj politikave të qeverisë mbi migracionin.
Zotit Sharp, një ish-bankier i bankës së investimeve ‘Goldman Sachs’ dhe donator i Partisë Konservatore në pushtet, mori drejtimin e BBC-së në vitin 2021.
Prej muajit shkurt të këtij viti, ai ka qenë nën trysni pasi një komision ligjvënësish, ofroi një raport kur thuhej se ai kishte bërë “gabime të rënda në gjykim”, duke dështuar të deklarojë, se ishte përfshirë në çështjen e huasë së marrë nga zoti Johnson.
Sharp ka rënë dakord të qëndrojë në detyrë deri në fund të qershorit deri në caktimin e zëvendësuesit të tij.
“E konsideroj të drejtë t’i jap përparësi interesave të BBC-së”, tha zoti Sharp në një deklaratë. “Ndaj, këtë mëngjes dhashë dorëheqjen si shef i BBC-së“- ka thënë Sharp.
