Do të luhen sot dy ndeshjet gjysmëfinale të Kupës së Shqipërisë ku Egnatia dhe Vllaznia do të përballen në orën 15:00 dhe Teuta-Tirana në orën 17:00.
Në ndeshjen e parë mes Egnatias dhe Vllaznisë u ndanë në rezultatin 1-1 duke lënë gjithçka të hapur për duelin e sotëm. Rikujtojmë që ekipet u përballën edhe në Superiore, ku rrogozhinasit turpëruan shkodranët në “Loro Boriçi” me rezultatin 4-0.
Ndërsa dueli tjetër do të jetë mes Teutës dhe Tiranës, ku bardheblutë vijnë më të qetë pas fitores 3-0.
Ata do të kërkojnë të ruajnë rezultatin dhe të kapin finalen, ndërsa djemtë e detit do të kërkojnë të bëjnë mrekullinë.
