Ministrja e Arsimit, Evis Kushi në një konferencë për shtyp ka folur për arsimin e lartë, kërkimin shkencor, ligjin për shkencën dhe kredinë studentore.
Kushi ka deklaruar se do të ndryshojë procedura për Maturën Shtetërore, pasi është hequr neni që nuk lejonte rivlerësimin e testeve të provimeve, në rastet kur nxënësit do të kenë pretendimet e tyre për rezultatet.
“I pari është provimi i informatizuar për programin mjekësi e përgjithshme. Do të zhvillohet në mjediset e qendrës së shërbimeve arsimore. Fondi i pyetjeve për nxënësit që duan të studiojnë mjekësi të përgjithshme është gati. I kanë pyetjet atje dhe do të shmangë problemin që ndonjë pyetje mund të jetë jashtë programit apo mund të ketë gabime shkencore. Ky problem që kemi pasur në ndonjë rast eliminohet sepse konstatohet para 6 muajsh.
Rregullorrja e re e Maturës shtetërore ku është shfuqizuar neni që nuk lejonte rivlerësimin e testit. Për shkak të kohës së kufizuar që ne si ministri kishim për të korrigjuar dhe nxjerrë testet në kohën e duhur ishte e pamundur. Por i kemi marrë të gjitha masat që të ketë komisione të veçanta në shkolla. Nxënësit do të kenë të drejtë që të marrin testin e korrigjuar por nëse do të ketë gabime do të ngrihet një komision për transparencë të plotë.”, tha Kushi.
Po ashtu, ajo u shpreh se prioritet i Ministrisë së Arsimit është ndërkombëtarizimi, ndërsa kërkimi shkencor ka pësuar një rritje nga vit në vit, ku niveli i suksesit nga 8% ka shkuar në 30%.
Në lidhje me kredinë studentore dhe institucionale, u shpreh se është drejt finalizimit pasi duhet dakordësuar dhe e vetë institucionet, ku përfitim më të ,madh do të kenë studentët e programit master.
