Kompania Microsoft ka sfiduar vendimin e Britanisë për të bllokuar blerjen e prodhesit të “Call of Duty” Activision Blizard me vlerë prej 69 miliardë dollar, për shkak të disa gabimeve në vlerësimin e shërbimeve të lojrave cloud të Microsoft.
Autoriteti i Konkurrencës dhe Tregjeve (CMA), vuri veton ndaj marrëveshjes në prill, duke thënë se kjo mund të dëmtojë konkurrencën në tregun e sapolindur të lojërave cloud, duke shkaktuar zemërim.
Gjithashtu kompaia Microsoft konfirmoi se kishte paraqitur një padi kundër vendimit në Gjykatën Britanike të Apelit të Konkurecës, dhe një përmbledhje e argumenteve të tij u publikua të premten,
Gjiganti amerikan i teknologjisë pohoi se marrëveshja do të çonte në një pakësim të konsiderueshëm të të konkurrencës në tregun e lojërave cloud të Mbretërisë së Bashkuar ishte i gabuar, sipas përmbledhjes.
Por ‘CMA’ bëri gabime thelbësore në llogaritjen dhe vlerësimin e të dhënave të pjesës së tregut për shërbimet e lojërave cloud duke mos marrë parasysh kufizimet nga lojërat vendase”, raportohet të ketë thënë Microsoft në Tribunalin e Apelit të Konkurrencës.
Rima Alaily, zëvendës presidente dhe zëvendës këshilltare e përgjithshme e Korporatës së Microsoft, tha se vendimi i CMA ishte “me të meta për arsye të shumta, duke përfshirë mbivlerësimin e rolit të transmetimit në cloud në tregun e lojrave dhe pozicionin tonë në të, si dhe mosgatishmërinë e tij për të shqyrtuar zgjidhje që mori mbështetje dërrmuese të industrisë dhe publikut”.
“Ne jemi të sigurt në forcën e apelit tonë dhe në angazhimet detyruese që kemi bërë për të rritur konkurrencën dhe zgjedhjen për lojtarët sot dhe në të ardhmen”, shtoi ajo.
