Kreu i Partisë së Lirisë, Ilir Meta ka folur për çështjen McGonigal, ku thekson se krzeminsitri Rama nu pranon ngritjen e një Komisioni Hetimor pasi është një frikacak i zhytur në skandal.
Ai solli në vëmendje rastin kur u thirr në komision teksa mbante postin e presidentit të vendit, ku edhe pse këshilltarët i kanë rekomanduar për të mos shkuar, mirpo ai shprehet se e ka bërë këtë gjë pasi nuk kishte asgjë për të fshehur. Ndaj të njëjtën gjë duhet të bëj dhe Rama, thotë Meta.
“Ai ka refuzuar llogaridhënien në parlament, kujton se kushtetuta është një copë letër, se opozitë është karafil që e blinte sa herë donte, ai është në terro të skandaleve që nuk i mbulon dot, që i kanë nisur dhe do i shpërthejnë dhe socialistët e ndershëm do të shpërbërjnë. Është i pashpresë, asnjë socialist i ndershëm nuk do hiqet nga asnjë bashki vendit, ata që janë për intimidime, patronazhisht, ata nuk i duhen as dreqit.
Kjo histori do marrë fund njëherë e përgjithmonë, do shporret Rama dhe banda e Rilindjes, ky mesazh do të duhet të shkojë, modeli jonë është transparencë dhe gjithëpërfshirje.Ka pranuar të fshihet pas fustanit të grave, por nëse SHBA është ngritur në këmbë për një drejtor të papërgjegjshëm e bën komision hetimor në Kongres e Senat e kudo, pa asnjë diskutim do ketë Komison Hetimor, meqë je i pastër dhe i ndershëm pse ke frikë, a e mbani mend kur Ulsiu e thërriste presidentin mua në Komision, më thonin këshilltarët, nuk do shkosh se je president, ata janë të paligjshëm. Unë të mos shkoj atje? Po shqiptarët që më thonë, nëse është i pastër pse s’shkon”, tha Meta.
Me tone, të ashpra Meta shprehet se Rama ka para për të blerë këdo, por ajo atë dhe Sali Berishën.
“Mund të ketë lekë të blejë kë të dojë, por Ilir Metën dhe Sali Berishën, jo, do ketë humbje katastrofike”, tha Meta.
