Ekipi i Korabit në kërkim të shansit të fundit përballë ekipit të Tomorit për të kapur një vend që të dërgon në “play off” ndaj skuadrës së vendit të tetë të Superiores.
Për shkak të kësaj sfide ekipi duket se nuk dorëzohen dhe kanë punuar fort pas fitores me Besëlidhjen.
Ishte kjo fitore e cila mundësoi dibranëve përballjen me ekipin e Tomorit të Beratit.
Tekniku dibran Shpendi Kumbarçe është shprehur se lojtarët e tij kanë patur kohën e mjaftueshme për t’u përgatitur në këtë sfidë.
“E dimë se do të jetë e vështirë, por jo e pakalueshme. Edhe pse mund të kemi ndonjë mungesë, kam besim te lojtarët e mi që do të luajnë shanset e fundit për t’u ngjitur më lart. Kemi luajtur mirë gjatë gjithë kampionatit, ndaj kam shumë besim se do t’ia dalim”, është shprehur Kumbarçe.
