Deteje të reja janë zbardhur nga ngjarja e ndodhur pak muaj më parë, në një klinikë dentare private në Tiranë, ku humbi jetën i mituri Brian Spahiu. Bëhet me dije se klinika dentare “Splendent”, ku mori trajtim dhe më pas ndërroi jetë 3-vjeçari B.S. e ka marrë licencën një muaj pas ngjarjes tragjike.
Sipas informacioneve për mediat Ina Xhaxho mori licensën e subjektit më 31 tetor 2023, ndërsa ngjarja ka ndodhur në fillim të tetorit.Ndërkohë që nisur edhe nga dokumenti i Qendrës Kombëtare të Licencimit, fillimisht kërkuesit iu refuzua 6 herë marrja e lincensës me argumentin se nuk përmbush kriteret përkatese.
Kujtojmë se vdekja e 3-vjeçarit pas ndërhyrjes në dhëmbë në një klinikë private në Tiranë tronditi mbarë opinionin publik. Babai i fëmijës 3 vjeçar, Bledar Spahiu ka deklaruar në polici se e çoi për mjekim djalin, në një klinikë dentare private në rrugën e Kavajës dhe mjeku Roland Xhaxho i ka bërë anestezi totale për të kryer ndërhyrjen për rregullimin e dhëmbëve.
Pasi ka përfunduar ndërhyrjen, mjeku dentist i ka kërkuar që djalin ta marrë nga klinika dhe ta çojë në banesë, duke i rekomanduar edhe mjekimin që duhet të merrte. Pasi kanë shkuar në banesë fëmija ka filluar të ndihet keq. Prindërit e shqetësuar kanë marrë klinikën private në telefon por nuk i është përgjigjur njeri. Duke parë gjendjen e fëmijës që po përkeqësohej ata e kanë çuar në spitalin pediatrik, të cilët duke parë gjendjen jo të mirë të fëmijës e kanë dërguar në reanimacion. Me gjithë përpjekjet e mjekëve që ta kthejnë në jetë për dy ditë rresht fëmija ka ndërruar jetë në spital. Prindërit thanë në atë kohë se djali kishte rënë në gjendje kome pas anestezisë.
