Është ndarë nga jeta në moshën 68 – vjeçari aktori i njohur i filmave italianë Francesco Nuti.
Aktori ndërroi jetë në Villa Verde, Romë.
Vajza e tij e cila bëri të ditur lajmin, si dhe familjarët e tij falënderuan personelin shëndetësor dhe të gjithë ata që u kujdesën për aktorin gjatë kohës kur ai ishte i sëmurë.
Data dhe vendi i varrimit nuk janë bërë ende të ditura.
Komeditë e tij me tone të paqarta surrealiste patën një sukses të jashtëzakonshëm në vitet ’80 falë filmave si “Unë” “Gjithë fajin e ka Parajsa” dhe “Femrat me funde”. Realizimi i fundit ishte një film i suksesshëm që theu të gjitha rekordet e fitimeve, duke shënuar momentin më të suksesshëm në karrierën e Nutit, i cili ishte skenaristi, regjisori dhe aktori kryesor.
Nuti lindi në Prato më 17 maj 1955, Francesco Nuti bëri debutimin e tij si aktor amator kur ishte ende student, duke shkruar monologët e tij. Më pas ai nisi të luajë në kinema dhe projekte të tjera që i sollën një karrierë të gjatë artistike. Por nuk i mungoi as skenës së muzikës, ku ka kënduar solo, teksa mori pjesë edhe në festivalet e asaj kohe, përfshirë Sanremon në vitin 1988.
