Ish-zëvendës kryeministri Arben Ahemtaj përmes një ankimimi në Gjykatën e Apelit ka kërkuar heqjen e sekuestros ndaj 2 vilave në Palasë dhe në Hamallaj.
Ahmetaj kërkon heqjen e sekuestros për vilën në Hamallaj, e cila është në pronësi të bashkëjetueses së tij Eriola Hoxha, po ashtu edhe për vilën tjetër në Palasë në pronësi të ish-gruas Albina Mancka.
Sekuestrimi vjen në një kohë kur ish-zëvendëskryeministri është nën hetim nga Prokuroria e Posaçme për 4 akuza.
Ato i përkasin dy procedimeve penale, që janë bashkuar në një të vetme. Çështja e parë është për koncesionin e inceneratorit të Elbasanit dhe mban numrin 277/1, ku Ahmetaj akuzohet për shpërdorim detyre.
Ndërsa e dyta, me numër 30 është për “pastrim të parave”, “korrupsionit” dhe “fshehja e pasurisë” në bazë të një kallëzimi tjetër të bërë ndaj tij.
Në një bashkëbisedim me median, kreu i SPAK tha se në vilat e kontrolluara dhe të sekuestruara nga BKH në pronësi të ish-gruas dhe partneres së ish-zvkryeministrit, janë gjetur prova që mund të japin indicie të rëndësishme për të thelluar hetimin e SPAK për inceneratorët.
Sipas disa burimeve Dumani është shprehur se po vlerësohet marrja në pyetje e ish-ministrit të Financave.
Gjithashtu Prokuroria e Posaçme i është drejtuar me letërporosi disa shteteve në kuadër të hetimeve për Ahmetajn, ku kërkon informacion për lëvizjet e tij fizike dhe financiare.
