Mbrëmjen e djeshme opozita shkaktoi kaos në kryeqytet, teksa protestoi para godinës së kryeministrisë dhe të bashkisë Tiranë.
Protesta ishte e dhunshme, teksa nuk munguan bombat molotov apo përplasjet e deputetëve mbështetës të ish-kryeministrit Sali Berisha me policinë, që kishte krijuar kordonin e sigurisë.
Megjithatë, në turmë ishte dhe një ish-deputet demokrat, i cili mesa duket zgjodhi të merrte pjesë në protestë i qetë dhe thjesht të vëzhgonte. I “zhveshur” nga kostumi i deputetit, Selami Jenisheri shihet duke qëndruar i qetë, ndërsa në dorë mban një freskuese portative për të luftuar edhe temperaturat e larta që vendi ynë po përjeton.
