I mbani mend vëllezërit Balla që mhanitën pak kohë më parë jurinë e America’s Got Talent? Duket se ata të dy nuk kanë ndërmend të ndalen. Ata kanë hyrë në histori duke vendosur rekord botëror për kohën më të gjatë të qëndrimit në ekuilibër me sy të mbyllur në një cilindër.
“Sfidë e vështirë, por të vendosur për ta përballuar. Jemi shumë të lumtur për të njoftuar se kemi vendosur Rekordin Botëror Guinness për kohën më të gjatë të qëndrimit në ekuilibër me sy të mbyllur në një cilindër”, njoftuan ata përmes një postimi në rrjetet sociale ku kanë shpërndarë edhe momentin e performancës së tyre.
Performanca e tyre u zhvillua në Times Square të Neë York-ut dhe akrobacitë e dy vëllezërve kanë marrë vëmendjen e të gjithë kalimtarëve aty. Ndërkohë në të dhënat në Guinness thuhet se rekordi i regjistruar nga Arnold dhe Artan Balla është 61.95 sekonda dhe është kryer më 3 Mars të këtij viti.
